Делегација од Народна Република Кина, предводена од Зхои Ли, претставник на Канцеларијата за меѓународна соработка на Комунистичката партија на Кина, денеска престојува во работна посета на Македонија.
Кинеската делегација оствари средба со генералниот секретар на ВМРО–ДПМНЕ Емил Димитриев на која е разговарано за билатералната соработка помеѓу двете држави.
– Домаќинот ги информираше гостите за актуелните политички и економски случувања во земјата и регионот. Беше искажано задоволство од интензивираната соработка помеѓу двете држави. Делегациите на двете партии утврдија низа на можности за соработка во иднина, соопшти по средбата ВМРО-ДПМНЕ.