Средба Димитров-Саливан: САД ја поддржува Македонија да стане нова членка на НАТО

Од:

Министерот за надворешни работи Никола Димитров, се сретна со заменикот државен секретар на САД, Џон Саливан кој престојува во работна посета на Република Македонија. На средбата беа потврдени партнерските односи меѓу двете земји и натамошната силна поддршка на САД за евроатлантските перспективи на Република Македонија.

Димитров се осврна на актуелната, завршна фаза од процесот на имплементација на Договорот од Преспа и предизвиците на тој пат, нагласувајќи дека „неговото успешно спроведување ќе ја потврди одлучноста на Македонија да биде стабилен, предвидлив и партнер способен самостојно да се справува со предизвиците“. Тој додаде дека покрај конструктивниот пристап кон соседите, Република Македонија, изминатиов период, вложува силни напори да прерасне во вистинска европска демократија преку реформи за градење одговорни институции, слободни медиуми и владеење на правото.

Заменикот државен секретар Саливан истакна дека целта на неговата посета е да ја реафирмира американската поддршка на историскиот пат на интеграцијата на Република Македонија кон ЕУ и НАТО. Тој ја поздрави храброста и одлучноста при решавањето на спорот околу името со Грција, како и конструктивниот пристап во односите со сите соседи, изразувајќи увереност дека Република Македонија набргу и заслужено, ќе стане следна нова членка на НАТО.

Би можело да ве интересира

Зеленски: Украина нема да ја тргува својата слобода, наместо да вршат притисок врз Киев, потребни се решителни чекори од САД, Европа и Г7

Трамп: Нема да ја загрозувам Америка поради Украина

„Вашингтон пост“ открива: САД вршат притисок врз Киев да направи отстапки кон Москва

ВИДЕО: Американците повторно погодија брод на Кариби, првпат има преживеани

САД го поддржуваат Хамас: Израел верува дека милитантите знаат повеќе, тие го негираат тоа

Хазин: Светска војна е можна само по финансискиот колапс на САД