Претседателот на ДУИ Али Ахмети денеска во Тетово се сретна со амбасадорот на Словенија, Бранко Раковец.
Словенечкиот амбасадор, информираат од Партијата, изрази интерес за политичките случувања во земјата, евро-атлантската интеграција, меѓуетничките односи, извештајот за напредокот, како и улогата на опозиција.
Тој посочи дека Словенија го поддржува процесот на интеграција на Македонија во НАТО и Европската унија.
Претседателот Ахмети истакна дека Словенија има важна улога во регионот и побара директна посветеност од страна на Словенечките власти за помош во интеграцијата на Македонија во НАТО и ЕУ.
Претседателот Ахмети оцени дека успехот на овој процес ќе влијае во релаксација на меѓуетничките односи бидејќи очекувањата на граѓаните за евро-атлантските интеграции се големи и секое одлагање загрижува.
– Овој процес е многу важен за сите граѓани и поради ова опозицијата треба да придонесе во напредокот на процесите бидејќи сноси одговорност за заедничкото добро на сите граѓани. Затоа, местото на опозицијата е во Собранието каде што ќе понуди конструктивни одлуки за да ги унапреди процеси во земјата, рече Ахмети.
Во врска со Извештајот за напредокот, истакна дека проценките на ЕУ се праведни и сите заедно треба да се ангажираме за решавање на идентификуваните недостатоци.