Според Индексот на човечки развој Југоисточниот регион на земјава најнеразвиен во цела Европа

Од:

Петте најнеразвиените региони во Европа според Индексот на човечки развој се на Балкан, додека Југоисточниот регион на земјава (0,722) е најнеразвиената област во цела Европа. Најразвиените области на Европа се наоѓаат во западната половина на континентот, каде највисок индекс има Цирих (0,989).

Индексот за човечки развој е композитен индекс на Канцеларијата за извештаи за човечки развој на Програмата за развој на Обединетите нации (УНДП) и се користи за мерење на развојот на една земја, врз основа на показателите за очекуваниот животен век, образованието и приходот по глава на жител. Овој индекс најчесто се пресметува на национално ниво, а Глобалната лабораторија за податоци на холандскиот Универзитетот Нијмеген Радбауд го пресметала на ниво на региони по држави за 2021 година, пренесува Ландгејст.

Врз основа на Индексот за човечки развој, Европа е најразвиениот континент во светот, при што сите региони имаат или висок или многу висок индекс.

По Југоисточниот регион на земјава, втор најнеразвиен регион од Европа се наоѓа во Бугарија – Северозападен регион со 0.739, по што следат Централен регион (Молдавија) и Североисточниот регион (Северна Македонија) со по 0.742 и Гљилане (Косово) со индекс 0.743. И покрај ваквата позиција во Европа, овие региони имаат висока оценка, особено во споредба со остатокот од светот.

Најразвиените области на Европа се наоѓаат во Швајцарија – Цирих (0.989), Норвешка – Осло (0.990), Велика Британија – Лондон (0.973), Германија – Хамбург (0.972) и Шведска – Стокхолм (0.972).

Би можело да ве интересира

ВИДЕО: Огромниот кит што беше забележан вчера во Херцег Нови сè уште плива во Јадранското Море

(ВИДЕО) Момчиња нападнати на плажа во Шибеник: „Четници, ова е приватна плажа

Курти ги поддржа САД по нападот врз Иран: Тоа е наш пријател, демократска суперсила која треба да се поддржи

Вучиќ: Мислам дека Американците се подготвуваат за напад

Милановиќ: Израел е предводен од криминална клика, тие сакаат да го вовлечат светот во војна

Предраг Петровиќ

Легендарниот шампион Усеин Болт е првиот амбасадор на Експо 2027 во Белград