Добиваме информации со кого се среќава Груевски, но сметаме дека други факти се поважни од тоа, рече министерот за внатрешни работи, Оливер Спасовски, запрашан за бегството на поранешнниот премиер во Унгарија.
„Добиваме различни инфорамции за многу аспекти, мислам дека други факти се многу поважни за тоа дали некој таму го посетува во однос на целиот тој случај, но секако дека добиваме такви информации”, кажа министерот.
Спасовски исто така посочи дека МВР нема никаков пропуст, запрашан дали тој има одговорност за бегството на Груевски.
„Одговорноста треба да ја утврдат надлежните органи. МВР нема ниту еден пропуст во овој случај, ниту во ниту еден друг случај. Доколку нема одлуки на Обвинителството, односно судот, да се одредуваат некои мерки за заштита и безбедност, МВР не може да превзема никакви мерки“, рече тој.
Груевски во ноември минатата година избега во Унгарија каде што доби политички азил. Тој е осуден на две години затвор за случајот „Тенк“ на СЈО за набавката на луксузниот „мерцедес“ од 600 000 евра. Македонските власти побараа негова екстрадиција.
Кристијан Ландов