Спасовски: Во наредниот период ќе отвориме повеќе детали околу составот на идната Влада

Од:

Во рамките на редовните понеделнички средби во Централата на СДСМ вечерва се одржа средба на која гостуваа генералниот секретар на СДСМ, Оливер Спасовски, претседателот на ОО СДСМ -Центар, Саша Богдановиќ и секретарот на ОО СДСМ -Центар, Ирена Станковска.

Генералниот секретар на СДСМ, Спасовски говореше за актуелната ситуација во Македонија и за принципите на кои треба да биде формирана идната реформска Влада, односно какви кадри се потребни за да имаме реформи. Го спомна и состанокот од петокот со движењето БЕСА и првичната средба ја оцени како позитивна, но дека ќе треба и во иднина уште многу да се работи.

Тој истакна дека засега нема поделба на ресори, дека се’ уште не се знаат кадровските решенија и дека информациите веднаш ќе бидат соопштени кога ќе бидат договорени.

„Очекуваме дека во наредниот период ќе отвориме повеќе детали околу составот на идната Влада, се’ со цел да постигнеме договор и со другите политички субјекти кои се дел, односно треба да бидат дел од новото парламентарно мнозинство“ – рече Спасовски.

Исто така на средбата се спомна и немилиот настан што се случи во Собранието на РМ на 27.04.2017, настан подобро познат како „црн четврток“; за раководните структури во МВР кои имаат директна командна одговорност за упадот во Собранието и за рушење на уставниот поредок и за тоа дека ќе мора истите да сносат одговорност.

Би можело да ве интересира

СДСМ: На Скопје не му требаат рецилираните споменици од времето на режимот

СДСМ: Не глумете опозиција, објавете имиња или во спротивно сте соучесници во палењето

(ВИДЕО) Милевски: Борко да си поднесе оставка за резил олимпијадата, Македонија е посрамотена пред цел свет

СДСМ: Поради неспособност на ВМРО-ДПМНЕ ќе ни изгори државата

Горан Наумовски

СДСМ: Дали корупцијата е главен мотив за предавство на националните интереси со „Казанџи Холдинг“?

(ВИДЕО) Илиевски: Над 20 отсто од територијата на Македонија изгоре во пожари, не му оди на Мицкоски со патриотизмот