Министерот за внатрешни работи Оливер Спасовски денеска оствари средба со новиот амбасадор на Делегацијата на Европската унија, Дејвид Гир.
Спасовски, како што соопшти МВР, истакнал дека реформите во безбедносните служби со помош на ЕУ и САД помогнале да се формира модерна служба, која ќе работи за доброто на граѓаните. Во наредниот период, посочил Спасовски, активностите ќе бидат насочени кон јакнење на капацитетите на полициските службеници и на меѓуграничната соработка.
Амбасадорот Гир ги поздравил направените реформи и ја истакнал важноста и одговорноста што ја има МВР како институција во борбата против организираниот криминал. Нагласил дека е важно јакнењето на натамошната соработка во областите кои претставуваат заеднички приоритети, како што се борбата против оргинизираниот криминал, компјутерскиот криминал и проблемот со миграцијата.
На средбата присуствувале и заменик-министерот Назим Буши, државниот секретар Магдалена Несторовска и помошник на министерот за ЕУ и меѓународна соработка Муамет Реџепи.