Убиството на Мартин Јанушев освен меѓусебното недоразбирање нема друга заднина. Има напредок во истрагата, едно лице е убиецот на Јанушев и по него се трага. Досега се сослушани 35 сведоци, а обезбедени се и снимки од безбедносните камери, но и од камерите на околните објекти, соопшти денеска МВР.
– Имаме релевантни информации и кога ќе се обезбедат сите докази, случајот ќе се се расчисти. Направени се анализи со „Омерта агенцијата“, за да видиме дали е можно да има некакво поврзување со настанот, изјави министерот за внатрешни работи, Оливер Спасовски.
Тој рече дека го знаат името на убиецот, но засега нема да го откријат и дека според досегашната истрага сметаат дека егзекуторот не ја напуштил државата односно сеуште е во Македонија.
Младиот фудбалер Мартин Јанушев беше убиен пред кафулето „Ред“ во Аеродром минатиот петок.
Виктор Јованов