Тимот од лекари што ја изврши првата трансплантација на срце денес во Владата се сретна то техничкиот премиер Оливер Спасовски, при што тој рече дека лекарите извршиле зафат што претставува круна во кардиохирургијата и медицината воопшто.
Првата трансплантација на срце во земјава беше изведена на 23 мај годинава. Спасовски им додели благодарница на лекарите за историскиот подвиг, посебно именувајќи ги сите кои учествуваа во сложениот зафат.
На средбата, соопшти владината прес-служба, присуствуваше и синот на донорот Емилија Динева, Влатко Динев, на кого премиерот Спасовски симболично му врачи благодарница, изразувајќи му огромна благодарност од свое лично име и од име на Владата.