Спасовски: Договорот од Преспа го расчисти и забрза патот на нашите евро-атлантски аспирации

Од:

Договорот од Преспа стави крај на тридеценсикиот проблем со Грција и ги постави основите за нашата подобра и посакувана иднина уште од независноста на земјата – членство во НАТО и забрзување на ЕУ-интеграцијата на земјата, истакна премиерот Оливер Спасовски денеска на одбележувањето на двегодишнината од потпишувањето на Договорот.

-Денеска се навршуваат две години од потпишување на Договорот од Преспа. Со нашиот сосед Грција постигнавме решение за речиси тридецениското отворено прашање и се поставија основите за нашата подобра и посакувана иднина уште од независноста на земјата. Договорот од Преспа е голема победа на дипломатијата и на Северна Македонија затоа што се расчисти и забрза патот на нашите евро-атлантски аспирации. Нашата земја стана членка на НАТО, а ЕУ, и во услови на КОВИД-19 пандемијата, ја подготвува преговарачката рамка за нашето членство во ЕУ, стои на фејсбук профилот на Спасовски.

Постигнавме, додава тој, историско решение за меѓународна афирмација на нашите стремежи и за реализација на нашите стратешки цели. Да бидеме дел од семејствата држави со силен економски развој и просперитет, со потврден македонски идентитетот.

-Македонскиот јазик или македонскиот народ повеќе не се спорни пред ниту еден меѓународен форум или настан. Свои сме на своето, признаени од сите во меѓународната заедница. Со Грција ги отворивме страниците на пријателство. Чекориме на пат како партнери во двете најсилни и највлијателни организации. Го урнавме ѕидот што не делеше и издигнавме пријателство меѓу двете земји и двата народи, пријателство кое како сојузници ќе го чуваме, негуваме и унапредуваме, порача Спасовски на фејсбук профилот.

Би можело да ве интересира

Герапетритис: Потребно е доследно, строго и целосно почитување на Договорот од Преспа

Орце Костов

Почна примената на правилата од Преспанскиот, од земјава се излегува само со Северна

Катерина Ѓуровски

Уставниот суд едногласно одлучи да не се поведе постапка за Преспанскиот договор

А1он

Заев: Очекуваме грчката страна да го исполни делот од Преспанскиот договор кој се однесува на патоказите

Ковачевски – Фрагојанис: Односите со Грција се издигнуваат во стратешко партнерство за силно економско поврзување

А1он

Односите меѓу С. Македонија и Грција во нагорна линија во 2021 година

Ана Ололовска