По синоќешните журки на скопско Водно, премиерот Оливер Спасовски апелира до родителите да не дозволуваат да се повтори такво собирање поради кое мораше да интервенира и полицијата.
„Нема одговорност ако родителите дозволуваат децата во ваква ситуација да бидат надвор. Апелирам до родителите да се однесуваат одговорно“, рече премиерот Спасовски.
„А1он“ синоќа објави дека групи млади луѓе откако во градот затворија сите кафулиња и ресторани ги наполнија паркинзите на Водно и спротивно на препораките од Владата се дружеа во големи групи. Еден час по објавата полицијата ги растури групите, па возилата во колона се симнуваа од планината.