Спасовски: 22 дена по завршување на вонредната состојба ќе треба да се одржат изборите

Од:

Изборите да се одржат во првиот можен рок, кога и ќе има најмногу створени услови, рече техничкиот премиер Оливер Спасовски, презентирајќи ги одлуките на Владата за олабавување на мерките воведени за заштита од коронавирусот.

Според Спасовски, изборите се одржат за 22 дена по укинувањето на вонредната состојба.

„Датумот на изборите е детерминиран со уредбата законска сила која има важност до завршување на вонредната состојба. Во моментот кога ќе заврши, за 22 дена, ќе треба да се одржат избори. Тоа е фактичка состојба. Затоа треба да се реализираат изборите во првиот можен рок. Мора да бидеме принципиелни, а изборите да бидат во моментот кога ќе има најмногу створени услови. Една од нашите одговорности е да направиме се колку што е можно побрзо да се обезбеди новата нормалност“, рече Спасовски.

Тој потенцираше дека граѓаните им требаат стабилни институции.

„Преку обезбедена заштита на јавното здравје, ќе може сите вообичаени активности ќе можеме да ги спроведеме така како што очекуваме, а таква активност сигурно би биле и претстојните парламентарни избори. На македонската демократија и развој им требаат стабилни институции и колку што е можно побрзо, враќање на нормалниот колосек, на функционирање на државата. На македонските граѓани им треба функционално Собрание“, рече Спасовски.

Би можело да ве интересира

Трет ден кампања за Локалните избори 2025

Руското МВР тврди: Регистрирани се 10 обиди за терористички напади за време на локалните избори

Избори во Северна Рајна-Вестфалија: ЦДУ го задржува водството, АфД во силен пораст

Аргентинската опозициска партија победи на изборите во Буенос Аирес

Шест кандидати на AfD починаа пред германските избори

Предвремени избори за претседател на Република Српска на 23 ноември

Горан Наумовски