Еден од позитивните развојни текови кога станува збор за македонското судство е тоа што имаат добри реформи, посебно Врховниот суд и апелациските судови кога станува збор за прашањето за ограничување на максималното траење на постапките, рече претседателот на Европскиот суд за човекови права Роберт Спано на денешната прес-конференција во Скопје.
Кога станува збор за статистиките поврзани со оваа земја и со многу други земји на Советот на Европа, морам да кажам дека времетраењето на постапките остануваат предизвик, вели Спано одговарајќи на новинарско прашање дали се подобрува досието на државава во однос на времетраењето на судските процеси.
Негов општ впечаток, како што рече, е дека земјата на национално ниво му пристапува сериозно и, како што кажа, сигурен е дека ќе има подобрување во иднина.