Сотирова Бухова: ДЗСИ нема ингеренции околу терапиите, заклучоците за Онкологија се политички реваншизам

Од:

Како поранешен директор на ДЗСИ, најостро реагирам на предлог заклучоците за моја политичка одговорност на Анкетната комисија при Собранието за случајот со онкологија вели Ирина Сотирова Бухова.

– ДЗСИ нема никаква законска надлежност во делот на препишување на терапија, распоредување на терапија и контрола над начинот на кој се аплицира терапијата. Во прилог на ова говорат и законските надлежности на инспекторите од ДЗСИ, од каде е јасно дека инспекторатот не е органот кој е надлежен за преземање на активности и проверки во конкретниот случај. Дополнително во рамки на инспекторатот додека јас сум била директор немало никаква пријава и инспекторатот немал никакви сознанија за евентуални неправилности, за да реагира и ги проследи сознанијата до надлежните институции.
Според тоа предлог заклучоците се неиздржани и се одраз на политички реваншизам. Како здравствен работник јас ја подржувам работата како на анкетната комисија така и на секој орган кој би придонел до расчистување на сите околности за овој случај, но не можам да останам нема на злоупотребата на овој процес за нелегитимно собирање политички поени и неоснована политичка дискредитација, се вели во реакцијата на поранешната директорка на ДЗСИ.

Би можело да ве интересира

(ВИДЕО) Зеќири: Три месеци нема биолошката терапија за онколошките пациенти

СДСМ: Повторно нема лекови на Онкологија, неспособноста на власта ги загрозува животите

ДУИ: Кој се плаши од формирање на Анкетна комисија во Собранието?

(ИНТЕРВЈУ) Игор Стојковски, директор на онкологија: Чекор по чекор, Македонија може да стигне до имплементација на моделот на здравствена заштита базирана на вредности

A1on

Дел од терапијата што недостасуваше на Онкологија пристигнала денеска, соопшти Таравари

Два лека од оние што недостасуваа пристигнаа на Онкологија