Состојбата на Пендиков се подобрува, повеќе не е на интензивна нега

Од:

Општата состојба на охриѓанецот Христијан Пендиков се подобрува и тој од интензивна нега е преместен на одделението за орална хирургија.

„Пендиков е изваден од интензивна нега и сместен на одделението за орална хирургија“, соопштија од Воената болница во Софија, пренесе БГНЕС.

Секретарот на бугарскиот клуб во Охрид „Цар Борис Трети“ и македонски државјанин Христијан Пендиков минатата недела беше претепан од три лица по кратка расправија пред угостителски објект.
Од ударите Пендиков се здоби со повреди на пршлените, ребрата и вилицата. Тој има и тешки повреди на главата.

Повредениот македонски државјанин кој пред еден месец аплицирал за бугарско државјанство, во петокот со авионот на бугарската влада „Фалкон“ беше пренесен на лекување во Воено-медицинската академија во Софија.

Бугарија остро го осуди нападот врз Христијан и го повика својот амбасадор во Скопје на консултации. Амбасадорот Ангел Ангелов нема да се врати во Република Македонија додека таму не дојде до промена, а македонскиот претседател Стево Пендаровски побара да не им се дозволи влез во Македонија на сите политичари кои деновиве ги навредуваат чувствата на македонскиот народ поради случајот со Пендиков.

Би можело да ве интересира

Кошта: Разумно е да и гарантираме на Северна Македонија дека нема да бараме ништо друго по уставните измени

Бугарија ја смени својата „приказна“ за авионот на Урсула фон дер Лајен

(ВИДЕО) Нападнато е и возилото со кое патуваше Урсула фон дер Лајен во Бугарија

Ја избоде до смрт мајката на поранешната девојка

А1он

Нуркач од Бугарија исчезна во водите на Охридското езеро

А1он

ЕК покрена три нови постапки против Бугарија поради кршење на прописите на ЕУ

А1он