Народниот правобранител со поддршка на CRONSEE-Mрежата на детски омбудсмани и организацијата „Save the Children“, денеска и утре во Скопје, организира тематски состанок за „Улогата на омбудсманот во заштита на децата бегалци/мигранти“.
Состанокот ќе го отворат народниот правобранител Иџет Мемети и директорот на програмата „Save the Children“ Северозападен Балкан, Ахмед Пјано.
За состојбата со непридружуваните деца бегалци/мигранти ќе зборуваат заменик народниот правобранител Васка Бајрамовска-Мустафа, претставникот од Центарот за управување со кризи Душко Петровски, како и советникот за недискриминација и борба против трговија со луѓе при Министерството за труд и социјална политика, Светлана Цветковска.
За состојбата со децата бегалци/мигранти презентации ќе имаат преставници од омбудсман канцелариите на Албанија, Хрватска, Грција, Црна Гора, Србија, Романија, Словенија, Бугарија, Косово и на Босна и Херцеговина.