Сообраќајот на државните патишта во Македонија се одвива без забрани, по наместа влажни коловози.
Долж котлините и речните долини, како и на повеќе патни правци низ државата има појава на утринска магла со намалена видливост од 50 до 100 метри.
Од АМСМ препорачуваат посебно внимание на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, каде е можна почеста појава на одрони.
Интензитетот на сообраќајот на патните правци надвор од градските средини е умерен, а на граничните премини нема подолги задржувања за влез и излез од државата.