Сообраќајот на патиштата низ Македонија се одвива без забрани, по влажни коловози и со остатоци од снег на повисоките планински места. Врнежи од слаб снег се бележат во Маврово, Македонски Брод, како и на планинските премини Стража и Пресека.
АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација.
Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево, Виница – Берово каде е можна почеста појава на одрони.
Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата.