Половина час по полноќ на регионалниот пат Тетово – Јажинце се случила сообраќајна несреќа во која е усмртена мечка, а повредени се две лица. Несреќата се случила кај Доброште.
– Во СВР Тетово е пријавено дека се случила сообраќајна несреќа во која учествувале две патнички моторни возила, „фолксваген голф“ управуван од Б.Ш. (60) од село Доброште, „фолксваген туран“ управуван од Н.Г.(39) од село Теарце и мечка. Мечката е усмртена на самото место. Двајцата возачи се здобиле повреди констатирани во Клиничка болница во Тетово, информира Марјан Јосифоски, портпарол на СВР Тетово.
Според информациите на СВР Тетово, по извршениот увид, усмртената мечка е предадена на Јавна установа Национален парк Шар Планина.