Службено возило во кое биле министрите Фатмир Бесими и Крешник Бектеши учествуваше во сообраќајна несреќа пред Владата.
„Доцна попладнево, службеното возило со кое се превезував заедно со министерот за економија Крешник Бектеши на работен состанок во Владата беше учесник во сообраќајна незгода која се случи на крстосницата пред Владата.
Освен материјална штета на возилата, за среќа нема потешко повредени лица. Дел од учесниците се здобија само со полесни повреди. На повредените им посакувам брзо оздравување“, напиша Бесими.
Министерот Крешник Бектеши преку Фејсбук исто така потврди за несреќата и им посака брзо опоравување на повредените.
