Солзи, тага и болка и запалени свеќи. Струмица денеска се прости од Мите Ѓоргиев, кој како доброволец храбро се бореше против огнената стихија над Струмица .
Мите Ѓорѓиев, кој доброволно, како и многумина се јавија сами да ја спасат својата Струмица, подлегна на тешките повреди од пожарот. Ќе биде погребан утре, на градските гробишта во Струмица.
Триесет годишниот Мите не го дочека раѓањето на своето првенче. Неговото дете на свет треба да дојде за неколку месеци.
Градоначалникот на Струмица, Зоран Заев, кој и самиот несебично учествува во гасењето на пожарот, упати сочувство до семејството на Ѓорѓиев.
„Длабоко ме потресе веста за прераната смрт на големиот херој Мите Ѓоргиев кој водејќи храбра и пожртвувана битка ја изгуби битката за преживување. Името на Мите Ѓорѓиев ќе остане вечно во меморијата на Струмица и струмичани како голем човек кој го жртвуваше својот живот за доброто на својот град и своите сограѓани“, вели Заев.
