Откако Сојузот за иднината го објави својот кандидат за градоначалник, Менде Диневски, ДПМНЕ во паника цели три месеци калкулираа, мереа, премеруваа, де независен – де непартиски, вртеа сучеа и пак Талески.
После објавата дека ДПМНЕ за свој кандидат за градоначалник на општина Битола го кандидира Владимир Талески, Груевски и ДПМНЕ конечно признаа дека се во кадровска, морална и политичка криза.
Се потврди дека нивното членство е само заложник на интересите на една врхушка чија цел е само да се збогати на терет на граѓаните.
Замислете ДПМНЕ за свој кандидат за градоначалник го кандидира истот Талески чие владеење резултираше со:
- Аздисан непотизам;
- криминал и кривични пријави во високото партиско раководство;
- задолжена локална самоуправа и јавни претпријатија;
- училишта без греење со блокирани сметки и догуша во долгови;
- никаков економски напредок и опустошена стара чаршија;
- невиден арач врз битолчани;
- спорт на колена и уништени спортски објекти;
- двојно поскапена вода и зголемени комунални давачки;
- изрешетени, непроодни улици и уште куп нереализирани ветувања.
Потрошени 8 години на битолчани и 200 милиони евра од нивниот џеб, се превисоко платена цена за денешната состојба на нашиот град.
И покрај сите негови лаги и лажни ветувања, небулози и промашувања Талески бесрамно бара трет мандат. Ако тој не знае за доста, битолчани знаат и нема да му дозволат 12 години да си поигрува со судбината на овој град.
Сојузот за иднината му ја честита кандидатурата на Талески и го изразува своето задоволство што на локалните избори во 2013 година ќе има можност да го порази вистинскиот виновник за она што му се случи на Битола – Победата врз него ќе биде најслатка – тоа ќе биде и победа врз погубните политики на Груевски.