Собранието ќе се вклучи во јавната кампања за референдумот, а информациите како тоа ќе го направи ќе ги презентира преку соопштение за јавноста во текот на денот.
Се очекува да бидат објавени и средствата што ќе бидат одвоени за кампањата. Други детали засега официјално не се соопштуваат.
На средбата, дознаваме дека освен потпретседателите и координаторите, како претставник од Владата присуствувал и министерот Дамјан Манчевски.
Ни денеска координаторот на ВМРО-ДПМНЕ не беше на координацијата, па останува нејсно како и пратениците ќе бидат вклучени во кампањата која ќе ја води Собранието како носител на кампањата.
Собранието е предлагач на одлуката за распишување на референдумот за името на 30 септември. Одлуката беше предложена со потписи на 69 пратеници. Парламентот, според Законот за референдум, треба да спроведе јавна кампања, но исто така тоа можат да го сторат и други заинтересирани страни.