Со 68 гласа „за“ пратениците ја донесоа одлуката за распишување на референдумот за името.
Иницијативата беше поднесена денеска од пратениците од СДСМ, ДУИ и Беса.
Пратениците на ВМРО-ДПМНЕ поднесоа 2 амандмани, но не присуствуваа на гласањето, а не гласаше ниту лидерот Алијансата за Албанците, Зијадин Села, кој претходно од говорницата порача дека неговата партија не ја поддржува одлуката за распишувањето на референдумот.
Референдумот ќе се одржи на 30 септември и ќе биде консултативен. Согласно одлуката, референдумското прашање ќе гласи: „Дали сте за членство во ЕУ и НАТО преку поддршка на Договорот помеѓу Република Македонија и Република Грција?“.
Галена Николовска – Ризвановиќ