Собранието на Република Македонија попладнето во рамки на 49. седница го избра Јован Јосифовски за судија на Уставниот суд.
Тој ќе дојде во Уставниот суд на местото на Вера Маркова, чиј мандат истекува во јануари следната година.
Јосифовски, истакнат правник и поранешен член на Државната изборна комисија, доби поддршка од членовите на собраниската Комисија за избори и именувања на седницата што се одржа на 11. овој месец. Беше предложен од претседателот на Комисијата за избори и именувања, Илија Димовски.
Опозициската СДСМ на седницата на Комисијата не му даде поддршка на Јован Јосифовски бидејќи, според нив, се работи за партиски човек кој во ДИК ги застапувал интересите на ВМРО-ДПМНЕ.
Собранието го избра и Курштрим Рамадани за член на Регулаторната комисија за енергетика.