Собранието денеска треба да гласа за законот за ЈО

Од:

Собранието на Република Северна Македонија денеска во 13 часот треба да ја продолжи работата по 135-та седница, на чиј дневен ред се Предлог-законот за јавно обвинителство и Предлог-законот за изменување и дополнување на Законот за Советот на јавни обвинители.

Расправата за Предлог-законот за јавно обвинителство заврши доцна синоќа, а гласањето, како што соопшти претседателот на Собранието Талат Џафери, ќе се спроведе кога ќе се обезбеди потребното мнозинство.

И изминатиот ден во фокусот беше законот за јавно обвинителство.

Премиерот Оливер Спасовски смета дека “во Собранието прво треба да се донесат сите закони, кои, како што рече, се многу битни за граѓаните, па дури потоа да се распушти Собранието и да се оди на избори”.

Лидерот на СДСМ Зоран Заев вчера во Неготино изрази уверување дека законите ќе се донесат, Собранието на време ќе се распушти, а предвремените парламентарни избори ќе се одржат на 12 април.

Координаторот на пратеничката група на СДСМ Јован Митрески изјави дека “не смее одново да се блокира и опструира донесувањето на законите за ЈО и за Советот на ЈО, кои се темелот на реформите во правосудството и гарантираат неселективна правда и одговорност за сите.

Мора да се создадат услови тие да се донесат пред распуштањето на Парламентот”.

“ДУИ апсолутно го поддржува законот за ЈО и законот за Советот на ЈО, апсолутно, недвосмислено цела пратеничка група почнувајќи од лидерот Али Ахмети се до последниот”, рече на прес-конференција во Собранието координаторот на пратеничката група на ДУИ Артан Груби.

Тој нагласи дека ДУИ не го условува со ниту еден закон, процедура или прашање донесувањето на законот за ЈО.

ВМРО-ДПМНЕ смета дека власта се брза да го донесе овој закон за да се заштити од криминалите што ги има направено.

Би можело да ве интересира

Опозициските пратеници ќе им поставуваат прашања на премиерот и на министрите

Собранието одлучи: Се забранува употреба на пиротехника во затворен простор

Горан Наумовски

Пратеници од „Европски фронт“ поднесоа иницијатива за формирање на Анкетна комисија за трагедијата во Кочани

Поддршка од пратениците за законски измени со кои ќе се забрани пиротехника во затворен простор

Зајкова: Да ги заштитиме жените и жртвите на семејно насилство, а не да санираме ненадоместливи штети

Пратениците конечно се враќаат на работа