Со потврда за имунзација со било која вакцина, со негативен ПЦР тест не постар од 72 часа или со потврда за антитела од денеска македонските граѓани може да патуваат за Грција. Поради пандемијата на коронавирусот границата за беше затворена повеќе од една година.
За деца постари од 5 години потребен е негативен тест, додека деца помали од 5 години тестот не е неопходен.
Покрај ова, за влез во Грција потребно е да се пополни и ПЛФ образец (The Passenger Locator Form). Образецот треба да биде пополнет најмалку 24 часа пред влезот во земјата. Формуларот е потребен за сите без разлика на видот на превозот (автомобил, автобус, брод, авион) и државјанство. За пополнување на формуларот потребни се пасошите и сообраќајната дозвола.
По пополнување на формуларот на мејл се добива т.н. кју-ер код (QR) што треба да се отпечати или да се покаже на мобилен телефон при влез во Грција.