Патрониот празник на градот Охрид – Свети Климент Охридски оваа година ќе се празнува четири дена, а свеченостите почнуваат уште вечерва со изложбата на изработки од учениците на ОУ „Св. Климент Охридски“ по што ќе следува и свечена приредба по повод патрониот празник училиштето.
Свеченостите продолжуваат веќе утре на Кејот „Македонија“ од 9:30 часот кога ќе стартува атлетскиот крос под мотото „Во здраво тело – здрав дух “, а вечерта со почеток во 18 часот во библиотеката „Григор Прличев“ ќе има промоција на книгата „Златна лира“ од Пандора Јовановска- Илиевска. Во 19 часот во Центар за култура „Григор Прличев“ ќе биде отворена изложба на ликовни творби на учениците од гимназијата „Св. Климент Охридски“ и ќе се одржи промоција на „Збирка задачи во С++“. Сработен од информатичарите од училиштето. Во 20 часот во големата сала на Центарот за култура ќе започне и свечената програма по повод патрониот празник на охридската гимназија.
Предвидени се и други настани и манифестации во текот на викендот, а сето ќе биде заокружено со Свечената академија на 8 декември во Центарот за култура „Григор Прличев“, на која тредиционално ќе бидат врачени и највисоките општински награди и признанија.