Со Чулев си заминуваат и неговите началници, меѓу нив и поранешниот телохранител на Мицкоски

Од:

Началниците назначени од Наќе Чулев во Министерството за внатрешни работи се разрешуваат со неговото заминување од министерската фотелја, а на нивните места се враќаат досегашните дополнителни заменик-началници. Меѓу нив е и командирот на Единицата за специјални задачи „Тигар“, Ивица Бисовски кој претходно беше телохранител на Христијан Мицкоски, а кого јавноста го знае од снимката од случајот „Теретана“ кој сега го испитува Обвинителството. Бисовски се враќа во Одделот за обезбедување на личности и објекти каде ќе биде виш инспектор, а на негово место, се враќа Митко Даневски.

Промени ќе има и во СВР Скопје, каде началник беше Ристе Ставревски, кадар за кој не се согласуваше дополнителната заменик-министерка Славјанка Петровска, бидејќи тој се слуша во „бомбите“ кои во 2015 година ги објавуваше СДСМ, но и покрај тоа беше назначен. На местото од Ставревски се враќа Тони Јакимовски.

Во СВР Велес, наместо Игор Ангеловски, ќе биде назначен Злате Јаневски, во СВР Струмица со полицијата ќе раководи Танчо Пројкоски, во Штип командир ќе биде Марјан Коцев, а во Охрид на местото на Илија Милески, ќе биде Сашо Смилески и во СВР Битола, прв човек ќе биде Славко Јовановски.

Од началничкото место си заминува и Александар Јанев, а на негово место се враќа Лазо Велковски. Со Итерветната единица на СВР Скопје повторно ќе раководи Примислав Димовски, во Одделот за информатика и телекомуникации се враќа Марјан Здравковски, додека како помошник министер во Одделот за внатрешна контрола се враќа и Дејан Андонов. Наместо Сашо Зенговски, со одделот за специјални полициски операции ќе раководи Бранко Трајановски.

Инаку, според Пржинскиот договор, а предвидено во Законот за Влада, техничкиот министер за внатрешни работи кој се назначува за спроведување на изборите има право на 15 разрешувања или распоредувања во министерството. Тоа право го искористи Чулев и назначи негови кадри, кои сега, се враќаат на работните позиции каде работеле пред да бидат поставени за началници.

Би можело да ве интересира

Во Тетовско за девет месеци 124 странски државјанки приведени за нелегален престој

А1он

МВР е гарант за сите слободни избори од 2017 до денес, ВМРО-ДПМНЕ шири невистини, тврди Министерството за внатрешни

Ана Ололовска

Мицкоски: Јавното Обвинителство да поднесе кривична пријава за злосторничко здружувањe

МВР: Категорично ги отфрламе невистините пласирани од ВМРО-ДПМНЕ

(ВИДЕО) ВМРО-ДПМНЕ: Началници, командири и полицајци блиски до Заев и Спасовски договарале малтретирање граѓани во изборната кампања

Катерина Павлова-Николовска

ВИДЕО: Директорката на училиштето го пријавила тепањето на ученикот, во МВР повикани инволвираните

Катерина Павлова-Николовска