Со американска донација ќе се реновира здравствениот дом во Пробиштип

Од:

При денешната посета на здравствениот дом во Пробиштип, министерот Филипче најави проект за подобрување на условите за работа во оваа јавно-здравствена установа со донација од Американската амбасада.

„Благодарение на амерканската амбасада во Здравствениот дом целосно ќе се реновира кровот, внатрешноста, ходниците и дел од ординациите, којшто ќе започне во периодот што следува. И за првпат овој здравствен дом ќе има систем греење коешто ќе биде со помош на гас, значи дополнително ќе придонесеме за чиста животна средина“, рече министерот Филипче.

Министерот Филипче најави дека јужното крило при Здравствениот дом кој моментално не е во употреба, предвидено е да се адаптира во Дом за стари лица со капацитет од 54 лица.

„Сакам на најавам нешто што мислам дека е навистина еден пионерски чекор, во рационалното искористување на празните капацитети на здравстените домови и болници ширум државата.

Владата на Република Северна Македонија во една од минатите седници во владение го даде спратот отприлика од 2000 м2 којшто веќе 20 години е празен и не е во употреба во оваа јавно-здравствена установа, се со цел да излеземе во пресрет на граѓаните, на реалните и вистинските потреби, а тоа е тој објект да се трансформира заедно со Министерството за труд и социјална политика во дом за стари лица“, потенцираше министерот Филипче.

Во изјавата за медиуми, министерот Филипче информираше дека за првпат после 7 години во функција е ставена детската и превентивна стоматолошка амбуланта, со стоматологот којшто дошол да работи од приватното здравство.

Во периодот што следува, ќе се распише и една лиценца за ортодонција, за влез во мрежата. Со ова, Пробиштип за првпат добива ортодонција.

Би можело да ве интересира

Филипче: Лежалката на плажа лесно се заменува со болнички кревет

А1он

Филипче: Светска банка го одобри проектот за брз одговор на Ковид-19, со флексибилни услови

А1он

Бизнисмени донираа тестови за коронавирус за Институтот за јавно здравје

А1он

ЕСЕ: Најмалку 100 илјади граѓани немаат пристап до една или повеќе основни здравствени услуги

Ана Ололовска

Филипче: Доколку се придржуваме до мерките бројот на заболени ќе се намалува

Ландов

„Вистини за дискус херниите низ приказни од животот“ од проф. д-р Миодраг Врчаковски

Ана Ололовска