Изутринава во земјава е облачно со локални врнежи од снег, само во Гевгелија имаше слаби врнежи од дожд. Дуваше умерен, на места засилен северен ветер, кој во Штип достигнуваше брзина над 40 км/ч.
Висината на снежната покривка во Попова Шапка достигна до 26 сантиметри, во Пожаране – 16, и 10 сантиметри во Крива Паланка, Маврово и Тетово. Најмногу дожд ноќеска наврна во Пожаране, Маврово, Тетово и Скопје. Најласно беше во Маврово (-7 степени), а најтопло во Дојран (2 степени).
Денеска ќе биде облачно, студено и ветровито со врнежи од снег, особено претпладне. На места поради ниските температури ќе има појава на голомразица, а ветерот ќе предизвика и појава на снежни наноси. Ќе дува умерен до засилен северен ветер. Максималната температура ќе биде во интервал од -1 до 3 степени.
Во Скопје, претежно облачно, претпладне со повремени врнежи од снег. Ќе дува умерен, повремено засилен северен ветер. Максималната температура ќе достигне до 2 степена.
Следува период на претежно стабилно време со пониски утрински температури, кои насекаде ќе се спуштат под нула. По котлините ќе има услови за појава на магла.