Скопје под магла, загаденоста на воздухот расте

Од:

Покачено ниво на ПМ10 честичките или загаден воздух од утрово има низ Скопје. Според мерните станици и апликацијата „Мој воздух“, најголема е загаденоста во сите места помеѓу Ново Лисиче и Центар. Најмала пак, од Карпош до Ѓорче Петров.

Скопје утрово, фотографирано од Карпош

Негодување за состојбата со воздухот уште пред да дојде зимата има и на социјалните мрежи. Граѓаните посочуваат дека воздухот веќе почна да мириса на чад и дека надвор не се дише.

Според „Мој воздух“, мерните станици во Гази Баба, Кисела Вода (11 Октомври), Маџир Маало, Клинички центар, Центар 2, покажуваат дека воздухот е загаден. Индексот за квалитетот на воздухот покажува дека вредностите се движат од 35 до 50. Односно, лолку е повисока мерката, толку е позагаден воздухот според бар еден од сензорите на станицата.

Ниво на загаденост во Скопје според „Мој воздух“

Делумна загаденост, има според мерните станици во Аеродром, Ново Лисиче, Автокоманда, Црниче, Центар (близу булеварот Партизански Одреди и булеварот Мајка Тереза), Градскиот парк, Карпош 4.

Ново Лисиче утрово, каде се забележува загаденост на воздухот според мерните станици

Чист воздух се регистрира во Ѓорче Петров, Карпош 3, Карпош 1, Козле, Железара, Топанско поле, Бардовци, Сопиште.

Би можело да ве интересира

Шукова ја објави својата кандидатура за градоначалничка на Скопје

Пожар во центарот на Скопје, седум лица побарале медицинска помош

Земјотрес во Косово, почувствуван во Скопје

„Водовод“: Можни се појави на намален притисок и прекини на водоснабдувањето во одредени делови на Скопје

48-годишен маж пронајден мртов во стан во Скопје

Пет пожари се активни на територијата на Град Скопје