Дваесет и две годишна Французинка синоќа во полициската станица Центар пријавила силување од четворица скопјани.
Според тоа што го кажала, била во дискотеката Колесеум каде од едно момче и бил понуден пијалок кој го прифатила. После дваесетина минути момчето ја фатило за рака и со сила ја изнело од дискотеката, ја качил во такси и ја однел во хотел каде што ја силувал.
Веднаш потоа, момчето повикало уште тројца негови пријатели кои дошле со црвен автомобил и ја однеле на паркинг во близина на хотелот, каде ја силувале уште двајца од нив, а третиот само седел во возилото.
Француската државјанка во полициската станица тврдела дека најверојатно во пијалокот нешто и било ставено бидејќи немала сила да се брани и да вика. Полицијата трага по четворицата скопјани.