Шеесет и осумгодишен скопјанец почина откако врз него се срушил потпорен ѕид од градежен објект лоциран на улицата „Дане Крапчев“ во Скопје.
Како што е наведено во полицискиот билтен, вчера во 9:00 часот на ул. „Дане Крапчев“ во Скопје, М.Т. (68) застанал до градежен објект, каде се изведувале градежни работи, со намера да поразговара со работниците. Притоа, се одронила земја од потпорниот ѕид и го потрупала, а М.Т. починал веднаш на местото на настанот.
Увид извршила екипа од СВР Скопје, а по наредба на јавен обвинител телото на починатиот е дадено на обдукција.