Вчера околу 21 часот, жител на Скопје бил прободен со остар предмет пред неговиот дом, на улицата 9-ти Мај, во Скопје.
Д.С. (37) од страна на непознат сторител бил прободен со остар предмет пред сопствениот дом. Лекар од Градската општа болница (ГОБ) „Наум Охридски“ констатирал тешка телесна повреда, убодна рана во пределот на левата страна во грбот, прободено белодробно крило и го задржал на понатамошно лекување. Се преземаат мерки за целосно расчистување на случајот, соопштуваат од МВР.