„Висок функционер од Министерството за надворешни работи поднел тужба за мобинг до Комисијата за заштита од дискриминација, оти во МНР не можел да напредува во кариерата“, објави „Вест“.
Се жалел дека е дискриминиран поради неговата сексуална ориентација. Весникот пишува дека и некој од неговите сопартијци од Обединети за Македонија, исто така од МНР, му се заканувале дека ќе го убијат оти е хомосексуалец.
Случајот за „Вест“ го потврдуваат од Комисијата за заштита од дискриминација. Велат дека дипломатот тужи, бидејќи не бил избран за конзул поради сексуалната ориентација.
Но од МНР, сепак велат дека покрај него имало уште 6-7 други кандидати на конкурсот но никој не ги исполнил условите и конкурсот бил поништен.
