Новинарите и сниматели на телевизиите Сител и Нова, како и новинар на весникот Вечер ја напуштија прес конференцијата на Специјалното јавно обвинителство поради како што рекоа, притисокот од обвинителството врз медиумите.
– Поради политичкиот притисок врз дел од медиумите, ние одлучивме да ги спуштиме камерите и да не ја следиме вашата прес конференција, рекоа новинарите од овие медиуми пред да ја напуштат прес конференцијата.
Обвинителакта Ленче Ристоска кажа дека СЈО не врши притисок и дека досега нема отворено никаква постапка против медиум, но секој кој е поврзан со кривично дело без разлика на неговата функција ќе одговара.
– За нас сите се еднакви пред уставот и законот. Доколку некој сторил кривично дело треба да одговара, а секако неговите активности во рамки на професионална и непристрасна истрага ќе бидат предмет на ревизија. Доколку одредени лица кои се сопственици или на друг начин поврзани со одреден медиум и сториле кривични дела, се разбира дека во интерес на сите е да се утврди дали се сторени делата и да се утврди дали ќе стои кривична одговорност, рече Ристоска.