Синот на Мендух Тачи повреден во синоќешната престрелка во Тетово

Од:

Тетовската полиција приведе еден осомничен за синоќешниот вооружениот инцидент во тетовското кафуле „Бар Код“, додека по друго лице интензивно се трага.

– Имаме обезбедено еден осомничен, додека по друг се трага – изјави портпаролот на СВР Тетово, Марјан Јосифовски.

Полицијата, соопшти дека моментално има две осомничени лица, но бројот на осомничени може да биде проширен во текот на натамошната истрага.

Во инцидентот, настрада едно лице, шест беа ранети со огнено оружје, додека четири се здобија со друг вид повреди.

Според неофицијални информации на портaлот Порталб, еден од повредените е и синот на лидерот на ДПА, Мендух Тачи.

Неофицијално осомничените и застреланото лице имале претходно расправија. Синоќа, застреланиот седел на маса со уште неколку лица во кафулето, кога влегле осомничените. Откако го забележале веднаш почнала вербална расправа и се обиделе да го изнесат надвор од локалот, по што дошло до метежот.

Би можело да ве интересира

Кривична пријава за градоначалникот на Кичево, Фатмир Дехари

Катерина Ѓуровски

МВР: Уапсени се две лица, одземено е товарно возило, запленета е стоката

МВР: На социјалните мрежи се појавија лажни објави за телефони, апелираме да не кликнувате на такви објави

За 48 часа МВР „подели“ 1.293 казни на возачи и пешаци

Во акција на МВР и АНБ: Запленето електронски докази, оружје и куршуми

Нападнат полицаец на Водно