Подрачната служба Фондот за здравство во Скопје отсега ќе работи и во втора смена за да се обезбеди континуитет во давањето услуги на здравствените осигуреници и за намалување на гужвите пред шалтерите во една од најфреквентните установи.
– Имајќи предвид дека најголемата фреквенција е на шалтерите за печатење сини картони и шалтерите за пријави/одјави, од 01.01.2013 година се воведува втора смена од 15 часот до 19 часот за да работат три шалтери. Предвидено е два шалтера истовремено да работат на пријави, одјави и печатење сини картони, а еден шалтер да биде архива, каде би се поднесувале сите барања од правните лица и осигурениците – соопштуваат од Фондот за здравствено осигурување.
Лицата кои ќе можат да ги користат услугите од втората смена се: големи корисници, сметководствени бироа, приватни здравствени установи, со тоа што ќе се вршат услуги и за поединечни осигуреници и за итни и други случаи.
ВИДЕО: 24 Вести