“Синџир” : 13 газди на македонски фирми одат во Шутка – одреден им е притвор

Од:

Судија во претходна постапка вчера, доцна вечерта, ги прифати барањата на Обвинителството во врска со осомничените во акцијата “Синџир”, потврдија за А1он од кривичниот суд.

Судот определил 13 ефективни притвори, 1 куќен притвор и 12 мерки на претпазливост.

Во врска со мерките за претпазливост сите 12 лица имаат забрана за напуштање на живеалиштето, односно престојувалиштето; обврска на обвинетите да се јавуваат повремено на определено службено лице или кај надлежен државен орган; привремено одземање на патна или друга исправа за преминување на државната граница, односно забрана за нејзино издавање; забрана за приближување или воспоставување, односно одржување контакти или врски со определени лица и забрана за преземање на определени работни активности кои се поврзани со кривичното дело.

Со акцијата “Синџир” се опфатени 26 физички и 28 правни лица кои се товарат за злосторничко здружување, даночно затавјување и перење на пари и други приноси од казниво дело. Шест лица се во бегство, односно се недостапни за органите на прогонот.

Согласно Кривичниот законик за кривичното дело Даночно затајување од чл.279 сторителот ќе се казни со казна затвор од една до десет години и со парична казна.

За кривичното дело Перење пари и други приноси од казниво дело од чл.273 согласно Кривичниот законик е предвидена казна затвор од најмалку пет години.

За делото злосторничко здружување, е предвидена казна затвор до три години.

Истражната постапка е против 26 сопственици и управители на 28 правни лица за кои постои основано сомневање дека сториле кривични дела Злосторничко здружување од чл.394, Даночно затајување од чл.279 и кривично дело Перење пари и други приноси од казниво дело од чл.273 од Кривичниот законик.

При извршените претреси обезбедена е дополнителна документација која ќе биде предмет на обработка, а воедно досега се приведени и 20 осомничени лица од Неготино, Кавадарци, Битола, Охрид и Скопје, додека 6 лица се недостапни на органите на прогонот. Обвинетите испрале над 7 милиони евра.

Би можело да ве интересира

Таткото на Вања бара да биде пуштен од притвор – Фетаи е против, Апелација одлучува

Отворена стечајна постапка за поранешно Фени: На работниците им должи 2,18 милиони евра за плати

Орце Костов

Нино Васев не смее да оди на работа во Онкологија – судот ги прифати мерките од обвинителство

Ѓорѓе Давид не ја напуштил Македонија: Утрово се јавил во кумановскиот суд поради мерката за претпазливост

Притвор за петмина, 10 во бегство од мафијата во Грчец – убивале, продавале дрога, имале соработници во судови и институции

Судски совет утре ќе одлучува да за враќање на Шабани во Кривичен суд до завршување на „Талир“ и „Титаник“

А1он