Синдикатот на РЕК Осломеј донираше заштитни средства во Медицинскиот центар-Кичево.
Како што соопшти ЕСМ, донирани се 2.000 ракавици, 1.000 маски, 120 пакувања средство за дезинфекција и извршена е дезинфекција на просториите на болницата.
Синдикатот на РЕК Осломеј уште на почетокот на здравствената криза обезбеди заштитни средства и за вработените во комбинатот со цел превенција на ширење на корона вирусот, како што се маски, ракавици, дезинфекциони средства и дезинфекција на работните простории.
Набавени се и ласерски термометри за мерење на телесната температура на вработените при влез во термоелектраната, односно пред пристапување на работното место, се наведува во соопштението.