Вчера во скопската населба Ново Лисиче сред бел ден била нападната жена додека го носела своето дете на лекар. Според луѓе блиски до нападнатата, жена со црна коса и наочари и пришла на неа и со цел да и го одземе вниманието ја прашувала каде се новите згради, а за тоа време, маж се обидел да го грабне детенцето кое било во количка, но за среќа тоа било врзано.
Жената почнала да бара помош, а двајцата веднаш избегале. Според информациите, во близина немало ни луѓе ни автомобили.
Претходно, мажот и жената во сина астра караван се обидоа да грабнат деца и во населбата 11 Октомври во Кисела Вода и во населбата Драчево.
Според извори на А1он и овој случај, како и претходните е веќе пријавен во полиција. Граѓаните загрижени за своите деца очајно бараат поактивен ангажман од полицијата, но досега нема никаков исход од нивното постапување.
