Родители од скопското село Петровец пријавиле во полиција дека колега од работа на таткото, пред една година ја силувал нивната малолетна ќерка, а минатиот месец се обидел да го повтори делото, соопшти МВР.
„На 19.07.2021 во 10.45 часот во Полициското одделение Петровец, 36-годишна жена од скопско село пријавила дека во текот на јули 2020 А.А., колега на нејзиниот сопруг, извршил обљуба врз нејзината малолетна ќерка. Како што е пријавено, пред еден месец тој повторно се обидел да изврши обљуба врз малолетничката, но родителите за овие настани дознале отпосле“, се вели во соопштението.
Од полицијата додаваат дека се преземаат мерки за расчистување на случајот.