Силниот дожд и невремето кое попладнево го зафати Охрид, направи вистински хаос низ градот. Големото количество на вода го преплавија главниот булевар туристичка каде редици автомобили се наоѓаа како во некоја река.
Дождот го поплави и приземјето на трговскиот центар „Амам“ во центарот на Охрид.
Сопствениците на дуќани кои овде ги има дваесеттина на број и вработените велат дека два часа седеле во дуќаните со затворени врати за да не дозволат водата да влезе во објектите, бидејки во ходникот имало вода и до 50 сантиметри. Попладнево се чистеа дуќаните и ходниците на трговскиот центар.
Настрадаа и туристите, најмногу оние кои во моментот на невремето се најдоа на плажите кои потоа за миг се испразнија. Речиси два часа поголем дел од Охрид остана и без струја имаше и силни грмежи, а од силината на невремето се помести и кранот на една од зградите кои се во изградба
