Претседателската кандидатка Гордана Сиљановска Давкова сподели видео од неа и противкандидатот Блерим Река на кое двајцата даваат кратки одговори за приватниот живот. Таа во објавата на „Фејсбук“ пишува дека видеото и е особено драго, затоа што се барало човекот во нив, а не политичарот. Интервјуто е првично објавено на „Фејсбук“ страна под името „Другата страна на политиката“ , каде велат дека третиот кандидат Стево Пендаровски не ја прифатил поканата.
Од штабот на Пендаровски негираат дека воопшто стигнала покана за ваков вид на интервју и велат дека станува збор за лажно тврдење дека Пендаровски бил поканет.
Галена Николовска-Ризвановиќ
