Професорката Гордана Силјановска-Давкова, која е носител на кандидатската листа на ВМРО-ДПМНЕ во ИЕ 1, се обрати пред граѓаните во Аеродром.
„Запомнете: на крајот, ни економија, ни образование, ни социјална заштита, ни култура, нема ако нема костур наречен владеење на правото. Ние знаеме како да го направиме тоа, затоа што правото и правдата е на наша страна, а неморалот и заборавањето на етиката се со нив. Затоа се во паника. Бидете убедени дека на 15 јули ќе започне нова ера јас ја викам 4 македонска република во која сите граѓани како индивидуи ќе бидат рамноправни. Македонија е точно мултикултурно општество, но Македонија мора да биде пристојна европска граѓанска држава,“ рече Силјановска-Давкова.