Десет килограми хероин биле запленети синоќа на граничниот премин Богородица
Големото количество хероин било откриено во автомобил Мерцедес А класа со кој управувал српски државјанин. Според првичните информации дрогата патувала од Турција, но не е познато која држава била крајната цел.
Ова е втора акција на полицијата во која се спречува шверц на големо количество на опојни дроги. Завчера во акцијата “Заседа“ беа запленети 511 килограми марихуана на граничниот премин Ќафасан.