На граничниот премин Табановце, на влез во државата, полициски службеници вчера вечерта го лишија од слобода Ф.С. (39) од Куманово, информира МВР.
При контролата на возилото „фиат“ кое го управувал, биле пронајдени и одземени 271 монета со различни големини и форми, кои потекнуваат од различни временски периоди.
Кумановецот е задржано во Полициска станица, а за настанот е известен јавен обвинител. По целосно документирање на случајот, против него ќе биде поднесена пријава по член 266Б од Кривичниот законик за „внесување на противправно прибавени добра под привремена заштита, културно наследство и природни реткости“.