Околу триесетина работници од четвртиот синдикат во ЈСП, организацијата Спајс, утрово штрајкуваа пред главната зграда на скопското претпријатие, но штрајкот траеше само два часа поради малиот одзив на вработените.
Нивниот штрајк е поради неусогласувањето на минималната плата со Колективниот договор на ниво на работодавач, односно зголемување за 2.170 денари за вработените во претпријатието, како и кршење на правата од работен однос и безбедност и здравје при работа.
Организаторите побараа поддршка од другите три синдикати на вработени во ЈСП Скопје и заедно да се борат за правата на вработените.