Штипското општинско основно училиште (ООУ) „Ванчо Прќе“ доби 35 компјутери, како донација од Универзитетот „Гоце Делчев“-Штип. Директорот на ООУ „Ванчо Прќе“-Штип, Методи Папаров на денешната прес-конференција истакна дека компјутерите се веќе поставени во кабинетите за одделенска настава.
– Голема благодарност до штипскиот универзитет и до проректорот ан УГД-Штип, Дејан Мираковски без кој не можевме да обезбедиме 35 компјутери, еден принтер и еден фотокопер. Се надевам дека и понатму соработката меѓу двете институции ќе продолжи. Станува збор за воведување на ИТ во наставата, вели Папаров.
Донираните компјутери ќе ги користат наставниците, за да ги подготвуваат своите часови, но и да ги средуваат и административните обврски.
Додаде дека на почетокот на учебната година, од страна на Министерството за образование и наука добиле и три паметни табли, со што во училиштето сега имаат седум интерактивни табли за подобра настава за учениците.